Destê Dê
ÖzetÇîrokên “Destê Dê” bi giranî balê dikişînin ser hezkirina dayîkê, xeysetê merivan, dab û nêrîtên paşverû û xerab ên civakê, ceng û kezebşewata wê. Di vê berhemê de, nivîskar Emerîkê Serdar cara pêşîn e ku şêwaza neqiş û nîgarên hûr li wêjeya Kurdî dike xelat!
Piranîya çîrokên vê berevokê di Rojnemeya “Rêya Teze” de hatine belavkirin û di radyoyê de hatine weşandin. Nivîskar di çîrokên berhevoka xwe ya cihêreng de; hêsir, qîrîn, lava, xwezî, hilavêtina dil, evîna dê û dilsozîyê tîne zimên û van hestan bi Kurmancîyeke zelal, şîrîn û biwêjbar dihûnîne û di nav nîvişkê qijilandî yê zimanê xwe yê herikbar de dîyarî xwîneran dike!
Di vê berhevokê de, nivîskar xwe dispêre pirrengîyê û xwe di qorzîya dubarekirina arêşe û keresteyan de naqurnisîne. Ev yek jî belî dibe bi rêya mijûlbûna nivîskêr bi mijarên mîna Şerê Wetenî yê Mezin, hezkirina dê, jîyana hemwelatîyên Sovyetê, evîna dilê cihêlan... hwd.