FABLÊN KURDÎ Bi Helbestkî Çîrokên Ajalan
Kurte Di warê fablê de fabla yekem Kelîle û Dîmne ya Beydebayê Hindî, fablên La Fontaine û ji edebiyata Yewnanan fablên Ezop li dunyayê nimûneyên herî navdar in.
Ji edebiyata Îslamê ya klasîk jî Mesnewiya Ferîduddîn Ettar ya bi navê Mentiqu’t-Teyr, mesnewiya Fuzûlî ya bi navê Beng û Bade, mesnewiya Şeyxî ya bi navê Xername çend mînakên girîng in.
Fabl di çand û edebiyata Kurdan de jî cîhekî pir fireh û girîng digre. Bav û bapîrên me dema ku di civatekê de diaxivîn, bi fablek an jî kurteçîrokekê dest pê dikirin. Mixabin ev fabl, heya roja me zêde nehatine nivîsandin.
Nivîskarê evê xebatê ji dapîra xwe, ji şevbihurkan, ji civatên mezinan û ji gundan fablên ku bihîstine bi awayê helbestkî derbasî nivîsê kirine û ev kitêb li kitêbxaneya Kurdî zêde kiriye