Hunera Nivîsînê

“Gelek kes hene, dixwazin binivîsin; lê nizanin ku ew ê çawa binivîsin. Ev berhem rê nîşanî wan kesan dide, yên ku dixwazin bibin nivîskar û dîsa nivîskarên ku nû dest pê kirine. Nivîskar Silêman Demir, hemû ezmûn û tecrubeyên xwe yên nivîskariyê bi rêbazeke xweş pêşkêşî xwîneran dike. Helbet ne bi tenê nivîskar û kesên dixwazin bibin nivîskar wê ji vê berhemê sûd bigrin. Agahiyên gelekî balkêş di berhemê de hene ku her kesên ku dixwînin û têkîliya wan bi xwendinê re hebe dikare sûd jê bigre.

Bi kurtasî mijarên di nav berhemê de; wêje çi ye, dîroka wêjeyê, roman, dîroka romanê, helbest, dîroka helbestê û helbet di nivîsîna roman û helbestê de, xalên ku divê nivîskar bala xwe bidine wan. Ev mijar bi berfirehî di berhemê de hatine veçirandin. Tiştekî din a berhemê jî ev e ku cara pêşîn e, nivîskarekî kurd tecrubeyên xwe yên nivîsê bi xwîneran re parve dike û dixwaze xwîner ji tecrubeyên wî yên nivîskariyê sûd werbigrin.”

Receb Dildar