Kilamên Çîya
Kurte
Helbestên Casimê Celîl cara yekemîn hê di destpêka salên 30’î de li ser rûpelên rojnameya Kurdî a Rya Teze hatin weşandin. Paşê heta wefatkirina wî weşandina helbestên wî di wê rojnameyê û gelek rojname û kovarên Ermenistanê û Yekîtîya Sovêtê de bi giştî di ê bi Ermenî û Rûsî de bi wergera ser wan zimanan berdewam kir.
Afirandinên Casimê Celîl wergerîyaye ser gelek zimanên gelên Yekîtîya Sovyetê û navê wî ji zû ve ji çarçoveya gel der belav bûne; him li welatê Sovyetê, him jî ji sînorên wê der.
Sala 1970’yî berevoka helbestan bi navê Kilamên Çîya li Yêrêvanê bi zimanê Kurdî hat weşandin. Di wê pirtûka xwe de helbestên teze û wisa jî veçêkirina çend nimûneyên zargotina gelê Kurd, ku derheqa şerkarîya gel û azadîxwazîyê de ne hatine bicîkirin. Wî helbestên xwe bi bedewîya xwezayê, çîya û banîyan, deşt û zozanan, cew û kanîyên welat xemilandiye.
Piştî çapkirina yekemîn, Kilamên Çîya li Amedê, li Weşanxaneya Lîsê ji bo bibe mal û milkê gelê Kurd tê weşandin.